ଗଞ୍ଜାମ , (LR NEWS, ୦୬.୦୭.୨୦୨୦) – : କନ୍ଧମାଳ ପୋଲିସକୁ ମିଳିଛି ବଡ଼ ସଫଳତା ଗତକାଲି ସକାଳୁ ସକାଳୁ ବାଂଶଧାରା ଘୁମୁସର ନାଗବଳି ମାଓସଂଘଠନ ସହିତ କନ୍ଧମାଳ ପୋଲିସର ଏସ ଓ ଜି ଯବାନଙ୍କ ମଧ୍ୟରେ ଗୁଳିବିନିମୟରେ ଚାରି କ୍ୟାଡ଼ର ମାଓବାଦୀ ନିହତ ହୋଇଥିବା ସୂଚନା ମିଳିଛି ।
କନ୍ଧମାଳ ଜିଲା ପୋଲିସର ଏସ୍ ଓ ଜି ଯବାନ କୈାଣସି ସୂତ୍ରରୁ ଖବର ପାଇ ତୁମୁଡିବନ୍ଧ ଥାନା ଅନ୍ତର୍ଗତ ସିର୍ଲା ପଞ୍ଚାୟତର କରୁଗାଡ଼ଙ୍ଗା ଜଙ୍ଗଲରେ ମାଓବାଦୀଙ୍କ କ୍ୟାମ୍ପଥିବା ଜାଣି ଚଢ଼ାଉକରିଥିଲା । ଓଡିଶା ପୋଲିସ ଗୁଇନ୍ଦା ସୂଚନା ଆଧାରରେ ଏହି ଅପରେସନ ହୋଇଥିବା ଅନୁମାନକରାଯାଉଛି । ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ କରାଯାଇଥିବା ସୂଚନା ମିଳିଛି । ସକାଳ ପ୍ରାୟ ସାତଟାରେ ମାଓବାଦୀ ପୋଲିସ ଗୁଳିବିନିମୟ ରେ ସିର୍ଲା ଗାଁ ନିକଟରେ ଗୁଳିବିନିମୟ ଘଟିଥିବାରୁ ଗ୍ରାମବାସୀ ଆତଙ୍କିତ ଥିବା ଜଣାପଡିଛି l ଜଙ୍ଗଲ କୁ କାଠ ପାଇଁ ଏବଂ ଜମି ବାଡି କୁ ମଧ୍ଯ କୌଣସି ଲୋକ ଭୟରେ ଯାଇ ନାହାଁନ୍ତି।
