ଖୋର୍ଦ୍ଧା ( LR NEWS) ତା ୨୩/୦୮/୨୬ ରିଖ ରେ ଖୋର୍ଦ୍ଧା ଗୀତା ଭବନ ପରିସରରେ ଅନୁକମ୍ପା ମୂଳକ ଯୋଜନା ସହାୟତା ମାଧ୍ୟମ ରେ ନିଯୁକ୍ତି ପାଇଥିବା କର୍ମଚାରୀ ମାନଙ୍କ କ୍ଷେତ୍ରରେ ପୁରୁଣା ପେନସନ ଯୋଜନା ଲାଗୁ ନିମନ୍ତେ I
ଭାରତ ସରକାର ତାଙ୍କର କାର୍ମିକ ସାଧାରଣ ଅଭିଯୋଗ ଏବଂ ପେନସନ ଭୋଗୀ କଲ୍ୟାଣ ବିଭାଗ ସ୍ମାରକ ପତ୍ର ସଂଖ୍ୟା -୫୭/୦୫/୨୦୨୧-୧୫୧୯ (B ) ତା . ୨୨.୦୬.୨୦୨୬ ରିଖ ଦିନ ଘୋଷଣା କରିଛନ୍ତି ଯେ , ଯେଉଁ ମାନେ ଅନୁକମ୍ପା ମୂଳକ ଯୋଜନା ମାଧ୍ୟମ ରେ ଚାକିରୀ କରିବା ପାଇଁ ତା. ୩୧.୧୨.୨୦୦୩ ପୂର୍ବରୁ ଦରଖାସ୍ତ କରିଥିବେ ସେମାନେ ପୁରୁଣା ପେନସନ ଯୋଜନାରେ ପେନସନ ପାଇବା ପାଇଁ ଯୋଗ୍ୟ ବିବେଚିତ ହେବେ I
ଏହାକୁ ପ୍ରଚଳିତ କରିବା ପାଇଁ କେନ୍ଦ୍ର ସରକାର , ତାଙ୍କର ସମସ୍ତ ବିଭାଗକୁ ନିର୍ଦେଶ ଦେଇଅଛନ୍ତି I ଉପରୋକ୍ତ ଘୋଷଣା ପତ୍ର କୁ ପାଥେୟ କରି , ଆନ୍ଧ୍ର ପ୍ରଦେଶ ର ସରକାର ତାଙ୍କର ପତ୍ର ସଂଖ୍ୟା ୫୩ ତା . ୧୩.୦୭.୨୦୨୬ ରିଖ ରେ ଘୋଷଣା କରିଛନ୍ତି ଯେ ଯେଉଁ ମାନେ ୦୧.୦୯.୨୦୦୪ ତାରିଖ ପୂର୍ବରୁ ପ୍ରକାଶ ପାଇଥିବା ବିଜ୍ଞାପନ ଅନୁଯାଇ ଚାକିରୀ ଆବେଦନ କରି ତା. ୦୧.୦୧.୨୦୦୫ ପରେ ସରକାରୀ ଚାକିରୀ ପାଇଛନ୍ତି ଓ ସେମାନେ ପାଉଥିବା NPS ପେନସନ ଯୋଜନା ରୁ ସେମାନଙ୍କୁ ପୁରୁଣା ପେନସନ ଯୋଜନାକୁ ପରିବର୍ତନ କରାଯିବ I
ଭାରତ ସରକାରଙ୍କ ର ରେଳ ମନ୍ତ୍ରାଳୟ , ତାଙ୍କର ପତ୍ର ସଂଖ୍ୟା ୪୩/୧୨/୨୦୧୮ ତା. ୨୪.୦୬.୨୦୨୬ଅନୁସାରେ, ଭାରତ ସରକାରଙ୍କର କାର୍ମିକ ସାଧାରଣ ଅଭିଯୋଗ ଏବଂ ପେନସନ ଭୋଗୀ କଲ୍ୟାଣ ବିଭାଗର ଉପରୋକ୍ତ ନିର୍ଦେଶ ନାମାକୁ ତୁରନ୍ତ କାର୍ଯ୍ୟକାରୀ କରିବା ନିମନ୍ତେ ନିର୍ଦେଶ ଦେଇଛନ୍ତି I
ଭାରତ ସରକାରଙ୍କର ଉପରୋକ୍ତ ନିର୍ଦେଶ ନାମାକୁ ପାଥେୟ କରି ଓଡିଶା ସରକାରଙ୍କ ନିକଟରେ , ଅନୁକମ୍ପା ମୂଳକ ଯୋଜନା ମାଧ୍ୟମ ରେ ଚାକିରୀ କରିଥିବା କର୍ମଚାରୀ ମାନେ , ଓଡିଶା ର ମାନ୍ୟବର ମୁଖ୍ୟମନ୍ତ୍ରୀ ଏବଂ ମୁଖ୍ୟ ଶାସନ ସଚିବଙ୍କୁ ଅନୁରୋଧ କରୁଛନ୍ତି କି , ଯେଉଁ ମାନେ ତା ୩୧.୧୨.୨୦୦୪ ପୂର୍ବରୁ ଦରଖାସ୍ତ ଦେଇ ତା. ୦୧.୦୧.୨୦୦୫ ପରେ ସରକାରଙ୍କର ଅନୁକମ୍ପା ମୂଳକ ଯୋଜନା ମାଧ୍ୟମ ରେ ଚାକିରୀ ପାଇଛନ୍ତି , ସେମାନଙ୍କୁ NPS ପେନସନ ଯୋଜନା ରୁ ପୁରୁଣା ପେନସନ ଯୋଜନାକୁ ପରିବର୍ତନ କରିବା ପାଇଁ ବିବୃତ୍ତି ଉପସ୍ଥାନ କରିଥିଲେ I ଉକ୍ତ ଯୋଜନା ଲାଗୁହେଲେ , ରାଜ୍ୟ ର ବିଭିନ୍ନ ବିଭାଗ ରେ ମାତ୍ର ତିନି ରୁ ଚାରି ହଜାର କର୍ମଚାରୀ ଉପକୃତ ହେବେ I
ଆଜି ତା ୨୩.୮.୨୦୨୬ ଶ୍ରୀ ପ୍ରଦୀପ୍ତ କୁମାର ନନ୍ଦ , ଆବାହକ , ଓଡିଶା ଅନୁକମ୍ପା ମୂଳକ ଯୋଜନା ମାଧ୍ୟମ ରେ ଚାକିରୀ କରିଥିବା କର୍ମଚାରୀ ମଞ୍ଚ ଙ୍କ ଆହ୍ୱାନ କ୍ରମେ ରାଜ୍ୟ ର ତିରିଶି ଗୋଟି ଜ଼ିଲ୍ଲା ରୁ ଏକ ଶତ ରୁ ରୁ ଅଧିକ କର୍ମଚାରୀ , ଖୋର୍ଦ୍ଧା ର ଗୀତାଭାବନ ପ୍ରାଙ୍ଗଣ ରେ ଏକତ୍ରିତ ହୋଇ ଆଲୋଚନା ରେ ଅଂଶ ଗ୍ରହଣ କରିଥିଲେ I ଉକ୍ତ ସଭା ରେ ମୁଖ୍ୟ ଅତିଥି ଭାବରେ , ଶ୍ରୀ କ୍ଷେତ୍ର ମୋହନ ଦାଶ , ପୂର୍ବତନ ସମ୍ପାଦକ ଓଡିଶା କର୍ମଚାରୀ ସମ୍ମୋନୟ ସମିତି, ମୁଖ୍ୟ ବକ୍ତା, ଶ୍ରୀ ନାରାୟଣ ଦାଶ , ପୂର୍ବତନ ମୁଖ୍ୟ ଉପଦେଷ୍ଟା ରାଜ୍ୟ ଓଡିଶା ଅମଲାସଂଘ, ସମ୍ମାନିତ ଅତିଥି ,ଶ୍ରୀ ଅଶୋକ କୁମାର ପଣ୍ଡା, ଅଧ୍ୟକ୍ଷ , ରାଜ୍ୟ ଓଡିଶା ଅମଲାସଂଘ , ସମ୍ମାନିତ ଅତିଥି, ଶ୍ରୀ ବୃହସ୍ପତି ସାମଲ , ପୂର୍ବତନ ସଦଶ୍ୟ, ଦେଶ କର୍ମଚାରୀ ସମ୍ମୋନୟ ସମିତି, ସମ୍ମାନିତ ଅତିଥି , ମନୋଜ କୁମାର ମଲ୍ଲିକ, ଯୋଗଦେଇ କର୍ମଚାରୀମାନଙ୍କ ମନୋବଳ କୁ ସୁଦୃଢ କରିଥିଲେ I ବିଶେଷ କରି ରଶ୍ମି ରଞ୍ଜନ ଦାସ ,ଖୋର୍ଦ୍ଧା , ଧର୍ମେଶ ଶତପଥି , ବାଲେଶ୍ୱର , ନିରଞ୍ଜନ ପତ୍ର , କଟକ , ଆଲୋକ ମୁଖାର୍ଜୀ , ଭଦ୍ରକ , ମନୋଜ ବେହେରା , ମୟୁରଭଞ୍ଜ , ମନୋରଞ୍ଜନ ଡୋରା ଓ ଅଜିତ କୁମାର ନାୟକ ଭୁବନେଶ୍ୱର ପ୍ରମୁଖ ଙ୍କ ସହଯାଗ ରେ ଆଜିର ସଭା ଅନୁଷ୍ଠିତ ହୋଇଯାଇଅଛି।