ଖୋର୍ଦ୍ଧାLR NEWS : ଖୋର୍ଦ୍ଧା ଜିଲ୍ଲା ସାମ୍ବାଦିକ ୟୁନିୟନ ( କେଡିୟୁଜେ) ପକ୍ଷରୁ ଖୋର୍ଦ୍ଧା ସ୍ଥିତ ପୂର୍ତ୍ତ ବିଭାଗ ଡାକବଙ୍ଗଳା ଠାରେ ସାଧାରଣ ପରିଷଦ ବୈଠକ ଓ ନୂତନ କର୍ମକର୍ତ୍ତା ନିର୍ବାଚନ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଓୟୁଜେ ରାଜ୍ୟ ସମ୍ପାଦକ ତଥା ଖୋର୍ଦ୍ଧା ଜିଲ୍ଲା ସାମ୍ବାଦିକ ୟୁନିୟନର ମୁଖ୍ୟ ଉପଦେଷ୍ଟା ପ୍ରସନ୍ନ ପାଇକରାୟ ଯୋଗଦେଇ ସାମ୍ପ୍ରତିକ ସମୟରେ ସାମ୍ବାଦିକଙ୍କ ସମସ୍ୟା ଓ ଦାୟିତ୍ୱ ବୋଧ ବିଷୟରେ ଆଲୋଚନା କରିଥିଲେ । ଜିଲ୍ଲା କାର୍ୟ୍ଯକାରୀ ସଭାପତି ଲୋହିତ ମହାପାତ୍ରଙ୍କ ସଭାପତିତ୍ୱରେ ଅନୁଷ୍ଠିତ ବୈଠକରେ ଯୋଗଦେଇ ବରିଷ୍ଠ ସଦସ୍ୟ ତପନ ନାୟକ ସାମ୍ବାଦିକ ସମସ୍ୟା ଓ ସଂଗଠନ ବିଷୟରେ ଆଲୋଚନା କରିଥିଲେ ।
ବରିଷ୍ଠ ସଦସ୍ୟ ରବି ମିଶ୍ର ଓୟୁଜେ ସଂଗଠନ ସମ୍ପର୍କରେ ଦୀର୍ଘ ଦିନର ଅନୁଭୂତି ପ୍ରକାଶ କରିଥିଲେ । ଦ୍ଵିତୀୟ ଅଧିବେଶନରେ ଅନୁଷ୍ଠିତ କର୍ମକର୍ତ୍ତା ନିର୍ବାଚନରେ କେଡିୟୁଜେର ଉପ ସଭାପତି ସୟଦ ଅନସର ଅଲ୍ଲୀ ନୂତନ ସଦସ୍ୟ ମାନଙ୍କ ନାମ ଉପସ୍ଥାପନ କରିଥିଲେ । ଉପସ୍ଥିତ ସମସ୍ତ ସଦସ୍ୟ ତାଙ୍କୁ ସମର୍ଥନ ଜଣାଇଥିଲେ । ସର୍ବସମ୍ମତୀ ନିଷ୍ପତ୍ତି କ୍ରମେ ଜିଲ୍ଲା ୟୁନିୟନର ସଭାପତି ଭାବେ ବରିଷ୍ଠ ସାମ୍ବାଦିକ ତପନ ନାୟକ , ଉପ ସଭାପତି ଭାବେ ରବିନ୍ଦ୍ର କୁମାର ମିଶ୍ର , ସୟଦ ଅନସର ଅଲ୍ଲୀ , ସାଧାରଣ ସମ୍ପାଦକ ଭାବେ ଲୋହିତ ନାରାୟଣ ମହାପାତ୍ର , ସମ୍ପାଦକ ଭାବେ ଦିଲ୍ଲୀପ ଶତପଥୀ , କୋଷାଧ୍ୟକ୍ଷ ଭାବେ ଅଜିତ ମିଶ୍ର, ମୁଖ୍ଯ ଉପଦେଷ୍ଟା ଭାବେ ପ୍ରସନ୍ନ ପାଇକରାୟ , ଜୟନ୍ତ ରାୟ , ଦିଲ୍ଲୀପ ହୋତା , ଶ୍ରୀକାନ୍ତ ପ୍ରଧାନ ରାଜ୍ୟ କାର୍ଯ୍ୟ କାରିଣୀ ସଦସ୍ୟ ଭାବେ ସୁଶାନ୍ତ ବିଶ୍ୱାଳ , ମାର୍ଗଦର୍ଶକ ଭାବେ ସନତ ପଟ୍ଟନାୟକ ମନୋନୀତ ହୋଇଥିଲେ ।
କେଡିୟୁଜେର ସଦସ୍ୟା ଶୁଭଲକ୍ଷ୍ମୀ ସାମନ୍ତରା ଅତିଥି ପରିଚୟ ପ୍ରଦାନ କରିଥିଲେ । ଖୋର୍ଦ୍ଧା ଜିଲ୍ଲା ସାମ୍ବାଦିକ ୟୁନିୟନ ଦ୍ବାରା ଆୟୋଜିତ ଏହି ସମ୍ମିଳନୀରେ ପ୍ରକାଶ ପଟ୍ଟନାୟକ , ଜୟନ୍ତ ରାୟ , ଚନ୍ଦନ ସୁନ୍ଦରାୟ , ସୁରେଶ ପ୍ରଧାନ , ଲଳିତ ମହାରଣା , ସଂଗ୍ରାମ ହୋତା ,ଅୟସ ମହାନ୍ତି , ଶିବ ଚରଣ ସିଂ , ଶ୍ରୀକାନ୍ତ ପ୍ରଧାନ , ଦିଲ୍ଲୀପ ହୋତା , ନାରାୟଣ ମହାନ୍ତି , ଶ୍ରୀକାନ୍ତ ପରିଜା , ତ୍ରିଲୋଚନ ବାଘସିଂ , ସତ୍ୟ ନାରାୟଣ ସାମନ୍ତରାୟ ପ୍ରମୁଖ ଯୋଗଦେଇଥିଲେ । ଶେଷରେ ଶ୍ରୀକାନ୍ତ ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।
