ରାଜ୍ୟ ପୋଲିସ ଡିଜି ଅଭୟ ଆଜି ଖୋର୍ଦ୍ଧା ଜିଲ୍ଲାକୁ ଆସି ବିଭିନ୍ନ ଥାନା ଓ ଏସ୍ପିଙ୍କ କାର୍ଯ୍ୟାଳୟ ପରିଦର୍ଶନ କରିଛନ୍ତି।
ଖୋର୍ଦ୍ଧା, (LR NEWS, ୧୨.୦୪.୨୦୨୦) – : ରାଜ୍ୟ ପୋଲିସ ଡିଜି ଅଭୟ ଆଜି ଖୋର୍ଦ୍ଧା ଜିଲ୍ଲାକୁ ଆସି ବିଭିନ୍ନ ଥାନା ଖୋର୍ଦ୍ଧା ଏସ୍ପିଙ୍କ କାର୍ଯ୍ୟାଳୟ ପରିଦର୍ଶନ କରିଛନ୍ତି। କରୋନା ସଂକ୍ରମଣ ମୁକାବିଲା ପାଇଁ ସରକାରଙ୍କ ପକ୍ଷରୁ ଦିଆଯାଇଥିବା ନିର୍ଦ୍ଦେଶନାମାକୁ କାର୍ଯ୍ୟକାରୀ କରି କଣ ସବୁ ପଦକ୍ଷେପ ଓ ଆଇନଗତ କାର୍ଯ୍ୟାନୁଷ୍ଠାନ ନିଆଯାଇଛି ସେ ସମ୍ପର୍କରେ ଡିଜିପି ପଚାରି ବୁଝିଥିଲେ।
ପ୍ରଶାସନ ସହ ମିଶି କାମ କରିବାକୁ ପରାମର୍ଶ ଦେଇଥିଲେ। ପୋଲିସ କଣ୍ଟ୍ରୋଲ ରୁମ୍ର କାର୍ଯ୍ୟକାରିତା, ପାଟ୍ରୋଲିଂ ଉପରେ ସେ ଗୁରୁତ୍ୱାରୋପ କରିଥିଲେ। ଲୋକଙ୍କୁ ଉତ୍ତମ ବ୍ୟବହାର ପ୍ରଦର୍ଶନ କରିବା ଏବଂ ସେମାନଙ୍କ ସମସ୍ୟା ଶୁଣ ବୋଲି ଡିଜିପି ପରାମର୍ଶ ଦେଇଥିଲେ। ଖୋର୍ଦ୍ଧା ଏସ୍ପି ଅଜେୟ ପ୍ରତାପ ସ୍ବାଇଁ ସେଣ୍ଟ୍ରାଲ ଡି.ଆଇ.ଜି ଆଶିଷ ସିଂହ ଉପସ୍ଥିତ ଥିଲେ। ଖୋର୍ଦ୍ଧା ସଦର ଥାନା, ଜଙ୍କିଆ ଥାନା, ନାଚୁଣୀ ଆଉଟ୍ ପୋଷ୍ଟ ଓ ନାଭାଲ ଆଉଟ୍ ପୋଷ୍ଟ ପରିଦର୍ଶନ କରି ଖୋର୍ଦ୍ଧା ପୋଲିସ୍ ର କାର୍ଯ୍ୟକ୍ରମ ଗୁଡ଼ିକୁ ପ୍ରଶଂସା କରିଥିଲେ।
