ଗଞ୍ଜାମ, (LR News, ୦୫.୦୩.୨୦୨୦) – : ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଲକ୍ ଅନ୍ତର୍ଗତ ତାଳସର ସ୍ଥିତ ସୂର୍ଯ୍ୟନଗର ସାହିରେ । ଆଜି ଅପରାହ୍ନରେ ଉକ୍ତ ସାହିରେ ରହୁଥିବା ଗୀତା ସ୍ଵାଇଁଙ୍କ ଘର କବାଟ ଖୋଲା ଥିବା ବେଳେ ହଠାତ୍ ଦ।ଣ୍ଡ ପଟରୁ ଏକ ବଡ ବାରହା ଗୀତାଙ୍କ ଘର ଭିତରକୁ ପଶିବା ବେଳେ ବାଟରେ ଥିବା ଉକ୍ତ ସାହିର ଜଗଦୀଶ ଜେନାଙ୍କୁ ଅତର୍କିତ ଆକ୍ରମଣ କରି ଆହତ କରିବା ସହ ଘର ଭିତରେ ପଶି ଗୀତା ଓ ତାଙ୍କ ଦୁଇ ଝିଅଙ୍କୁ ଆକ୍ରମଣ କରିବା ପାଇଁ ଉଦ୍ୟମ କରିବା ବେଳେ ସେମାନେ ବାରିପଟେ ପ୍ରାଣ ବିକଳରେ ଦୌଡ଼ି ଚାଲିଯାଇଥିବା ବେଳେ କିଛି ଲୋକ ଘରର ବାରି ଓ ଦlଣ୍ଡ ପଟ କବାଟ ଦେଇ ବାରାହା କୁ ଘର ଭିତରେ ବନ୍ଦ କରି ରଖିଥିଲେ । ସେପଟେ ଖଲ୍ଲିକୋଟ ବନ ବିଭାଗ ଅଧିକାରୀଙ୍କୁ ଖବର ଦେବା ପାଇଁ ଯୋଗାଯୋଗ କରିବାରୁ ଫୋନ କଲେବି ସେ ଫୋନ ଗ୍ରହଣ ନକରିବା ଯୋଗୁଁ ବ୍ରହ୍ମପୁର ଡି ଏଫ୍ ଓ ଙ୍କୁ ଖବର ଦେବା ପରେ ସେ ତୁରନ୍ତ ପଦକ୍ଷେପ ନେଇ ବନ ବିଭାଗ କର୍ମଚାରୀଙ୍କୁ ଘଟଣା ସ୍ଥଳକୁ ପଠାଇବା ପାଇଁ କହିଥିଲେ ସୁଦ୍ଧା ଗାଡି ନଥିବାରୁ କର୍ମଚାରୀ ଆସିବାରେ ଢେର୍ ବିଳମ୍ବ ହୋଇଥିଲା ଯାହା ଫଳରେ ବlରାହ ଟି ଘର ଭିତରେ ଉତକ୍ଷୀପ୍ତ ହୋଇ ସବୁ ଜିନିଷ ପତ୍ର ନଷ୍ଟ କରିବା ସହ ଜିନିଷ ପତ୍ର ଖିନଭିନ୍ କରିଥିଲା । ସେପଟେ ଆହତ ଜଗଦୀଶ ଙ୍କୁ ସୁମଣ୍ଡଳ ମେଡିକାଲକୁ ନେଇ ଚିକିତ୍ସା କରାଯାଇଛି । ଖବର ଲେଖା ସୁଦ୍ଧା ବନ ବିଭାଗ କର୍ମଚାରୀ ମାନେ ଉକ୍ତ ବାରାହା ଟିକୁ ଜବତ କରିନାହାନ୍ତି । ବନ ବିଭାଗ କର୍ମଚାରୀ ମାନେ ବିଳମ୍ବ ରେ ପହଞ୍ଚିବା ହେତୁ ଗ୍ରାମବାସୀ ମାନେ କ୍ଷୋଭ ପ୍ରକାଶ କରିଛନ୍ତି ।
