ଚିଲିକା ବୁଲି ଭୁବନେଶ୍ୱର ଫେରୁଥିବା ବିଦେଶୀ ଦମ୍ପତିଙ୍କ କାର କୁ ପଛପଟୁ ଧକା ଦେଲା ଟ୍ରକ ।

ଖୋର୍ଦ୍ଧା (LR News , ସୁଧାଂଶୁ ଶେଖର ପରିଡା ,21/02/2020 ) ଆଜି ଅପରାହ୍ନରେ ଖୋର୍ଦ୍ଧା ଜିଲ୍ଲା ନାଚୁଣୀ ଫାଣ୍ଡି ଅନ୍ତର୍ଗତ 16 ନମ୍ବର ଜାତୀୟ ରାଜପଥ ନିକଟରେ ଏକ ଦୁର୍ଘଟଣା ଘଟିଛି l
ଏଥିରେ ବିଦେଶୀ ପର୍ଯ୍ୟଟକ ଦମ୍ପତି ଆହତ ହୋଇଛନ୍ତି। ସେମାନେ ହେଲେ ଇଂଲଣ୍ଡ ର ହ୍ୟାରୋ ସହରର ମହେନ୍ଦ୍ର ଲକ୍ଷନ (୭୨) ଓ ତାଙ୍କ ସ୍ତ୍ରୀ ଅରୁନା ଲକ୍ଷନ (୭୦) l ଉଭୟଙ୍କୁ ଟାଙ୍ଗୀ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଚିକିତ୍ସା ପାଇଁ ପଠାଯାଇଥିଲା । ସୂଚନା ଅନୁଯାୟୀ, ମହେନ୍ଦ୍ର ଓ ଅରୁନା ଏକ କାର ଯୋଗେ ଭୁବନେଶ୍ୱରରୁ ଚିଲିକା ବୁଲିବାକୁ ଆସିଥିଲେ l ଏଠାରୁ ଫେରୁଥିବାବେଳେ ହଠାତ୍ ତାଙ୍କ କାର ସାମ୍ନାକୁ ଜଣେ ବ୍ୟକ୍ତି ଚାଲିଆସିଥିଲେ। ସମ୍ପୃକ୍ତ ବ୍ୟକ୍ତିଙ୍କୁ ବଞ୍ଚାଇବାକୁ ଯାଇ କାର୍ ଡ୍ରାଇଭର ତୁରନ୍ତ ବ୍ରେକ୍ ମାରିଥିଲେ।
ଏହି ସମୟରେ ପଛରୁ ଦ୍ରୁତଗତିରେ ଆସୁଥିବା ଏକ ଟ୍ରକ କାରକୁ ଧକ୍କା ଦେଇ ଫେରାର ହୋଇଯାଇଥିଲା। ଘଟଣାସ୍ଥଳରେ ନାଚୁଣୀ ଫାଣ୍ଡି ପୋଲିସ ପହଞ୍ଚି ଦୁର୍ଘଟଣାଗ୍ରସ୍ତ କାର୍ ଜବତ କରି ତଦନ୍ତ ଆରମ୍ଭ କରିଛି l