ତାକରଡ଼ାରେ ଆମ ପୋଲିସ ସମିତିର ବୈଠକ

ବୁଗୁଡା ୧୯/୦୨ ଡ଼ଃ କୁମୁଦ ଚନ୍ଦ୍ର ବେହେରା ( L.R News )ବୁଗୁଡା ଥାନା ଆମ ପୋଲିସ ସମିତି ପକ୍ଷରୁ ତାକରଡ଼ା ଗ୍ରାମରେ ବୁଧବାର ଦିନ ଆଇଆଇସି ଚିତ୍ତରଞ୍ଜନ ବେହେରାଙ୍କ ଅଧ୍ୟକ୍ଷତାରେ ଏକ ବୈଠକର ଅନୁଷ୍ଠିତ ହୋଇ ସଡକ ସୁରକ୍ଷା ସଚେତନତା ଓ ମାଗଣା ସ୍ୱାସ୍ଥ୍ୟ ଚିକିତ୍ସା କାର୍ଯ୍ୟକ୍ରମ ହୋଇଥିଲା। ଏଥିରେ ଅନ୍ୟ ମାନଙ୍କ ମଧ୍ୟରେ ବୁଗୁଡା ବ୍ଲକ ଅଧ୍ୟକ୍ଷା ମାମି ସେନାପତି, ସୁରେଶ ଚନ୍ଦ୍ର ଦାଶ, ଡାକ୍ତର ହିମାଂଶୁ ଶେଖର ପଣ୍ଡା ଓ ଡାକ୍ତର ଚିନ୍ମୟ କୁମାରୀ ସାମନ୍ତରାୟ, ସ୍ଥାନୀୟ ସରପଞ୍ଚ ପ୍ରମୁଖ ଯୋଗ ଦେଇଥିଲେ। ଆରକ୍ଷୀ ନିରୀକ୍ଷକ ଶ୍ରୀ ବେହେରା ଉପସ୍ଥିତ ଜନସାଧାରଣଙ୍କୁ ସଡକ ସୁରକ୍ଷା ଓ ପରିବେଶ ସୁରକ୍ଷା ବିଷୟରେ ପ୍ରାଞ୍ଜଳ ଭାବେ ବୁଝାଇ ଥିଲେ। ଏହି ଅବସରରେ ଆମ ପୋଲିସ ସମିତି ପକ୍ଷରୁ ୫୦ ଜଣ ବରିଷ୍ଠ ନାଗରିକଙ୍କ ସମେତ ବିଦ୍ୟାଳୟ ଛାତ୍ରଛାତ୍ରୀଙ୍କ ସ୍ୱାସ୍ଥ୍ୟ ପରୀକ୍ଷା କରାଯାଇ ମାଗଣାରେ ଔଷଧ ବଣ୍ଟନ କରାଯାଇଥିଲା।