ଖୋର୍ଦ୍ଧା (LR NEWS ତା.୦୯/୦୫ କରୋନାପାଇଁ ହୋଇଥିବା ତାଲାବନ୍ଦ୍ ସମୟରେ ସ୍ବାସ୍ଥ୍ୟକର୍ମୀ,ଆଶା ଓ ଅଙ୍ଗନୱାଡି କର୍ମୀ ଯେଉଁଭଳିଭାବେ ନିଜ ଜୀବନକୁ ବାଜି ଲଗାଇ କରୋନା ଲଢେଇରେ ସାମିଲ ହୋଇଛନ୍ତି,ତାହା ଉଲ୍ଲେଖନୀୟ। ସେମାନେ ତୃଣମୂଳସ୍ତରରେ ବାସ୍ତବ କରୋନାଯୋଦ୍ଧାଭାବେ ପରିଗଣିତ। ମାନନୀୟ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କ ଆହ୍ବାନ ଅନୁଯାୟୀ ସେମାନେ ହିଁ ଧନ୍ୟବାଦର ପାତ୍ର। ଏହିମର୍ମରେ ଆଜି ଭାରତୀୟ ଜନତା ପାର୍ଟି,ତରଫରୁ ଖୋର୍ଦ୍ଧା ବ୍ଳକର କଁପୁର ପଞ୍ଚାୟତର ମଳିପଡା ଏବଂ ନରଣଗଡ ପଞ୍ଚାୟତର ହାଡପଦା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରଠାରେ କର୍ତ୍ତବ୍ୟରତ ସ୍ବାସ୍ଥ୍ୟ ଅଧିକାରୀ,ସ୍ବାସ୍ଥ୍ୟକର୍ମୀ,ଅଙ୍ଗନୱାଡି କର୍ମୀମାନଙ୍କୁ ବିଜେପିନେତା ଶ୍ରୀ କାଳୁ ଖଣ୍ତେଇତରାୟଙ୍କ ଦ୍ବାରା “କରୋନାଯୋଦ୍ଧା”ଭାବେ ସମ୍ମାନୀତ କରାଯାଇଥିଲା।
ସ୍ଥାନୀୟ ଦକ୍ଷୀଣ ମଣ୍ତଳସଭାପତି ଶ୍ରୀ ସୀତାରାମ ରାଉତରାୟଙ୍କ ସଂଯୋଜନାରେ ଅନୁଷ୍ଠିତ ଉକ୍ତ କାର୍ଯ୍ଯକ୍ରମରେ ଗରିବଙ୍କୁ ଅନ୍ନଦାନ ଯୋଜନାରେ ଆଶାକର୍ମୀମାନଙ୍କୁ ଶୁଖିଲା ଖାଦ୍ଯପୁଡିଆ ବିତରଣ କରାଯାଆଥିଲା। ସମସ୍ତ କରୋନା ଯୋଦ୍ଧାଙ୍କୁ ସେମାନଙ୍କର ନିଃସ୍ବାର୍ଥପର ଓ ନିରବଛିନ୍ନ ସେବାପାଇଁ କୃତଜ୍ଞତାପତ୍ର ପ୍ରଦାନ କରାଯାଇଥିଲା। ଏହିସବୁ କାର୍ଯ୍ଯକ୍ରମରେ ବିଜେପି ରାଜ୍ଯ ପ୍ରବକ୍ତା ଶ୍ରୀମତୀ ସୋନାଲୀ ସାହୁ,ଖୋର୍ଦ୍ଧା ୩ନଂ ଯୋନର ଜିଲ୍ଲାପରିଷଦ ସଦସ୍ଯ ଶ୍ରୀ ଭାସ୍କର ଚନ୍ଦ୍ର ବେହେରା,ନରଣଗଡ ପଞ୍ଚାୟତର ସରପଞ୍ଚ ଶ୍ରୀ ବୈକୁଣ୍ଠ ମାର୍ଥା,ସମିତିସଭ୍ଯ ଅମରେନ୍ଦ୍ର ବଳିୟାରସିଂହ,ଯୁବନେତା କିଶୋର ବରାଳ ଓ ବିଶ୍ବଭୂଷଣ ପଟନାୟକ, ମଣ୍ତଳ ସାଧାରଣ ସଂପାଦକ ଶ୍ରୀ କେଶବ ଜେନା, ଯୁବମୋର୍ଚ୍ଚା ସଭାପତି ଶ୍ରୀ ସୌଭାଗ୍ୟ ରଂଜନ ରାୟସିଁହ, ନିରାକାରପୁର ମଣ୍ତଳ ସଭାପତି ଶ୍ରୀ ଆଲୋକ ରଂଜନ ଛୋଟରାୟ,ପୂର୍ବତନ ସରପଞ୍ଚ ଶ୍ରୀ ଜୟକୃଷ୍ଣ ପ୍ରଧାନ,ନରଣଗଡ ପଞ୍ଚାୟତ ପ୍ରମୁଖ ଶ୍ରୀ ଉମେଶ ବଳବନ୍ତରାୟ,ସହପ୍ରମୁଖ ଜିତେନ୍ ପଟନାୟକଙ୍କ ସମେତ ବହୁ ଛାମୁଆ କାର୍ଯ୍ଯକର୍ତ୍ତା ଯୋଗଦେଇଥଲେ।
