ଗଞ୍ଜାମ, (LR News ଟୁକୁନା ପ୍ରଧାନ, ୨୬.୦୩.୨୦୨୦) – : ଆଜି ଗଞ୍ଜାମ ଜିଲ୍ଲା ବେଗୁନିଆପଡା ଫାଣ୍ଡି ଅଞ୍ଚଳରେ ଦିନକୁ ଦିନ ଚୋରା ମଦ କାରବାର ବ୍ୟାପିବାରେ ଲାଗିଛି।ଦୋକାନ ବଜାରରେ ଚୋରା ମଦ ଓ ସରକାରୀ ପଟାପ୍ରାପ୍ତ ଛାପ। ପାଉଚ ବିକ୍ରୀ ହେଉଥିବା ଦେଖିବାକୁ ମିଳୁଛି।ପୋଲିସ ଓ ଅବକାରୀ ବିଭାଗର ଧର ପଗଡ଼ ପରେ ମଧ୍ୟ ବିଭିନ୍ନ ସ୍ଥାନରେ ମହିଳା ସଂଘ ତରଫରୁ ମଧ୍ୟ ମଦ ଧରି ପୋଲିସରେ ଜିମା ଦେଉଥିବା ଅନେକ ସମୟରେ ଦେଖିବାକୁ ମିଳୁଛି ।
ଏହି ଭଳି ଘଟଣା ଘଟିଛି ଏହି ଫାଣ୍ଡି ଅନ୍ତର୍ଗତ ଉଜ୍ଜ୍ବଳ ପୋଲି ଗ୍ରାମରେ। ଏହି ଗ୍ରାମରେ ମଦ ବିକ୍ରୀ ବନ୍ଦ ଥିବା ବେଳେ ଚୋରା ମଦ ବିକ୍ରୀ ହେଉଥିବା ଜାଣି ଏହି ଗ୍ରାମର ମହିଳା ସ୍ୱୟଂ ସହାୟକ ଗୋଷ୍ଠୀର ମହିଳା ମାନେ ଦୁଇ ଜଣଙ୍କ ଘରେ ପହଂଚି ମଦ ଜବତ କରି ପୋଲିସକୁ ଜଣାଇ ଥିଲେ। ବେଗୁନିଆପଡା ପୋଲିସ ଘଟଣା ସ୍ଥଳରେ ପହଞ୍ଚି ମଦ କୁ ଜବତ କରିବା ସହ ଦୁଇ ଜଣଙ୍କୁ ଅଟକ ରଖିଛନ୍ତି । ଅଟକ ଦୁଇ ଜଣ ହେଲେ ଟୁକୁନା ପୃଷ୍ଟି (୩୦)ଅଭି ନାୟକ( ୫୫)ବୋଲି ଜଣାପଡିଛି ।