ଗଞ୍ଜାମ, ( LR NEWS ଟୁକୁନା ପ୍ରଧାନ, ୨୦.୦୬.୨୦୨୦) – : ଗଂଜାମ ଜିଲ୍ଲା ପୋଲସରା ବ୍ଳକ ଅନ୍ତର୍ଗତ କଳମ୍ବ ପଞ୍ଚାୟତର ବଡ଼ ସାହିରେ ଏକ ଅଭାବନୀୟ ଘଟଣା ଘଟିଛି । ଯାହାକି ବାପା ପୁଅର ସମ୍ପର୍କରେ ଲାଗିଛି ରକ୍ତର ଛିଟା । ନିଜ ଘରେ ଦୁଇ ପୁଅଙ୍କ ମାଡ଼ରେ ବାପା ଅଭିମନ୍ୟୁ ପ୍ରଧାନ ମୃତ ହୋଇଥିବା ବେଳେ ମା ଅପସରା ପ୍ରଧାନ ଗୁରୁତର ହୋଇ ପୋଲସରା ମେଡ଼ିକାଲ ରେ ଭର୍ତ୍ତି ହୋଇଥିବା ଦେଖିବାକୁ ମିଳିଛି ।
ଏଭଳି ହତ୍ୟାକାଣ୍ଡ କୁ ନେଇ ପୋଲସରା ପୋଲିସ ଘଟଣା ସ୍ଥଳରେ ପହଞ୍ଚି ବର୍ବରଚିତ୍ତ ହତ୍ୟାକାଣ୍ଡ ଘଟାଇ ଥିବା ବଡ଼ ପୁଅ ସୁଶାନ୍ତ ପ୍ରଧାନ ଓ ସାନ ପୁଅ ମଙ୍ଗୁଳୁ ପ୍ରଧାନ କୁ ଗିରଫ କରି ପୋଲସରା ଥାନକୁ ନେଇ ଥିବା ଦେଖିବାକୁ ମିଳିଛି । ଆସନ୍ତା କାଲି ପିତୃ ଦିବସ ପାଳନ ହେବାକୁ ଥିବା ବେଳେ କଳମ୍ବ ଗ୍ରାମରେ ଏଭଳି ଏକ ଅଭାବନୀୟ ହତ୍ୟାକାଣ୍ଡ କୁ ନେଇ କଳମ୍ବ ଗ୍ରାମରେ ଶୋକାକୁଳ ପରିବେଶ ସୃଷ୍ଟି ହୋଇଛି । ଏଭଳି ସ୍ଥିତିରେ ପୁଅର ମାଡ଼ରେ ଅତ୍ୟଧିକ ଗୁରୁତର ହୋଇ ମା ସଙ୍କଟାପନ୍ନ ଅବସ୍ଥାରେ ମୃତ୍ୟୁ ସହ ସଂଗ୍ରାମ କରୁଥିବା ସୂଚନା ମିଳିଛି ।