ଗଞ୍ଜାମ, ( LR NEWS ଟୁକୁନା ପ୍ରଧାନ, ୨୭.୦୫.୨୦୨୦) – : ଗଞ୍ଜାମ ଜିଲ୍ଲା ପୋଲସରା ବ୍ଳକ ଭାବରଡା ପଞ୍ଚାୟତ ଲୁଣିଆ ପୋଡ଼ା ରେ ହୋଇଥିବା ସଙ୍ଗରୋଧ ଗୃହ ପ୍ରବାସୀଙ୍କ ଉଚ୍ଚ ଚିନ୍ତାଧାରା ସବୁଜ ପରିବେଶମୟ ସାଙ୍ଗକୁ ସ୍ଵଚ୍ଛ ହୋଇଯାଇଛି । ସେଠାରେ ରହୁଥିବା ଅନ୍ତେବାସୀ ବିଭିନ୍ନ ଅଞ୍ଚଳର ହୋଇଥିଲେ ମଧ୍ୟ ପରସ୍ପର ମଧ୍ୟରେ ଭାଇଚାରା ସୃଷ୍ଟି ହୋଇ କରୋନା ସଂକ୍ରମଣକୁ କିପରି ରୋକାଯାଇପାରିବ ସେଥିପାଇଁ ସଙ୍ଗରୋଧ ଗୃହରେ ରହି ସରକାରଙ୍କୁ ସହଯୋଗ କରୁଛନ୍ତି । ବିଭିନ୍ନ ରାଜ୍ୟରୁ ଦାଦନ ଖଟି ପ୍ରବାସୀ ଶ୍ରମିକ ଭାବେ ଏଠାରେ ରହି ଭିନ୍ନ ଭିନ୍ନ ସ୍ଥାନର ହୋଇଥିଲେ ବି ନିଜ ଘର ଭାବି ସଙ୍ଗରୋଧ ଗୃହର ସବୁ କାମ ଖୁସିରେ କରୁଥିବା ଜଣାଯାଇଛି । ପ୍ରବାସୀ ମାନେ ହାତରେ, କୋଡ଼ି, କୋଦାଳ ଧରି ବିଦ୍ୟାଳୟ ପରିସର ସଫା କରିବା ସହ ବିଭିନ୍ନ ଗଛର ଯତ୍ନ ମଧ୍ଯ ନେଉଛନ୍ତି । ଏହି ପ୍ରବାସୀମାନଙ୍କ ଜୀବନଶୈଳୀ ଅନ୍ୟମାନଙ୍କ ପାଇଁ ଏବେ ଉଦାହରଣ ହୋଇପାରେ ବୋଲି ସାଧାରଣରେ ରେ ଆଲୋଚନା ଚାଲିଛି । ଶଙ୍କର୍ଷଣ ପ୍ରଧାନ ଙ୍କ ନେତୃତ୍ୱରେ ବିଚିତ୍ର ବିଷୋୟୀ, ଟିଟୁ ନାହାକ ଏବଂ ମନ୍ତ୍ରୀ ସାହୁ ସମେତ ଅନ୍ୟମାନେ ସାମିଲ୍ ଥିଲେ ।
