ଖୋର୍ଦ୍ଧା (LR NEWS ତା.୧୫/୦୫.)ମହାମାରୀ କରୋନାକୁ ମୁକାବିଲା କରିବାରେ ଯେଉଁ ଯୋଦ୍ଧାମାନେ ତୃଣମୂଳ ସ୍ତରରେ ନିଜ ଜୀବନକୁ ବାଜିଲଗାଇ ନିଜର ସେବାକୁ ବ୍ରତଭାବେ ଧରିନେଇଛନ୍ତି, ବାସ୍ତବିକ୍ ସେମାନେ ପ୍ରଶଂସନୀୟ। ସେ ଆଶାକର୍ମୀ ହେଉ ଅଥବା ଅଙ୍ଗନୱାଡିକର୍ମୀ ହେଉ ଅବା ସ୍ବାସ୍ଥ୍ଯକର୍ମୀ ହୁଅନ୍ତୁ ଏପରିକି ସଫେଇ କର୍ମଚାରୀମାନେ ମଧ୍ୟ କରୋନାଯୁଦ୍ଧରେ ପ୍ରକୃତ ଯୋଦ୍ଧାଭାବେ ଅବତୀର୍ଣ୍ଣ ହୋଇଛନ୍ତି। ଏହିମର୍ମରେ ଖୋର୍ଦ୍ଧା ନିର୍ବାଚନମଣ୍ତଳୀ
ବିଜେପି ତରଫରୁ ସ୍ଥାନୀୟ ପଲ୍ଲାତୋଟାପଡା ପଞ୍ଚାୟତର କୋଣାର୍କନଗର ଅଙ୍ଗନୱାଡି କେନ୍ଦ୍ରଠାରେ ଅଙ୍ଗନୱାଡିକର୍ମୀ,ଆଶାକର୍ମୀ ଏବଂ ସ୍ବାସ୍ଥ୍ଯକର୍ମୀମାନଙ୍କୁ ସେମାନଙ୍କର ନିଃସ୍ବାର୍ଥପର ଓ ନିରବଛିନ୍ନ ସେବାପାଇଁ ଉପଢୌକନ,ସାନିଟାଇଜର୍ ଓ କୃତଜ୍ଞତାପତ୍ର ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା। ବିଜେପିର ମଧ୍ୟଖୋର୍ଦ୍ଧା ମଣ୍ତଳସଭାପତି ଶ୍ରୀ ମାନସ ରଂଜନ ପଟନାୟକଙ୍କ ସଂଯୋଜନାରେ ଆୟୋଜିତ ଉକ୍ତ କାର୍ଯ୍ଯକ୍ରମରେ ରାଜ୍ଯ କାର୍ଯ୍ଯକାରୀଣି ସଦସ୍ଯ ଶ୍ରୀ କାଳୁ ଚରଣ ଖଣ୍ତେଇତରାୟ ଯୋଗଦେଇ ଯୋଦ୍ଧାମାନଙ୍କୁ ଉପଢୌକନ ଓ କୃତଜ୍ଞତାପତ୍ର ପ୍ରଦାନ କରିଥିଲେ । କୃଷକମୋର୍ଚ୍ଚା ରାଜ୍ଯ ଉପସଭାପତି ଶ୍ରୀ ଶ୍ରୀରଂଜନ ମଙ୍ଗରାଜଙ୍କ ଉପସ୍ଥିତିରେ ମଣ୍ତଳ ସାଧାରଣ ସଂପାଦକ ରଂଜନ ବରାଳ,ଯୁବନେତା ବିଶ୍ବଭୂଷଣ ପଟନାୟକ,କିଶୋର ବରାଳ,ଅଭିଜିତ୍ ପଟନାୟକ,ବୈଷ୍ଣବୀ ମହାପାତ୍ର,ସତ୍ଯଜିତ୍ ସାହୁ ଓ ସ୍ଥାନୀୟ ବୁଥ୍ ସଭାପତି ଶଶୀକାନ୍ତ ମିଶ୍ର ପ୍ରମୁଖ ଉପସ୍ଥିତ ଥିଲେ
