ଗଞ୍ଜାମ, (LR News, ଟୁକୁନା ପ୍ରଧାନ, ୨୮.୦୪.୨୦୨୦) – : ଆଜି ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ଥାନା ଅନ୍ତର୍ଗତ ଭାଟକୁମରଡ଼ା ଗାଁ ନିକଟ ପଥର କ୍ୱାରିରେ ଅଘଟଣ । ମାଟି ଅତଡ଼ା ସହ ପଥର ଖସି ତିନି ଜଣ ଶ୍ରମିକଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି । ମୃତ ଶ୍ରମିକ ମାନଙ୍କ ମଧ୍ୟରେ ଦୁଇ ଜଣ ମହିଳା ଓ ଜଣେ ପୁରୁଷ । ମୃତ ତିନି ହେଲେ ଖଲ୍ଲିକୋଟ ଅନ୍ତର୍ଗତ ବିକ୍ରମପୁର ଗାଁର ଭକ୍ତ ପରିଡା ଓ ବ୍ରହ୍ମପୁର ନିକଟସ୍ଥ ଟାଙ୍ଗଣାପଲ୍ଲୀ ଗାଁର ଦୁଇ ମହିଳା ନମିତା ନାୟକ ଓ ପଙ୍କଜ ଦାଶ । ପଥର କ୍ୱାରିରେ କାମ କରୁଥିବା ସମୟରେ ହଠାତ୍ ଉପରୁ ମାଟି ଓ ପଥର ଅତଡ଼ା ଖସିଥିଲା । ତଳେ କାମ କରୁଥିବା ଶ୍ରମିକମାନଙ୍କ ଉପରେ ପଡିଥିବାରୁ ଚାପି ହୋଇ ମୃତ୍ୟୁ ବରଣ କରିଥିବା ର ସୂଚନା ମିଳିଛି । ଏନେଇ ପୁରୁଷୋତ୍ତମପୁର ଥାନା ପୋଲିସ ଖବର ପାଇ ଘଟଣାସ୍ଥଳରେ ପହଞ୍ଚି ମୃତ ଦେହକୁ ଉଦ୍ଧାର କରିବା ସହ ବ୍ୟବଚ୍ଛେଦ ପାଇଁ ପଠାଇଛି । ଏକ ଅପ ମୃତ୍ୟୁ ମାମଲା ରୁଜ୍ଜୁ କରି ପୋଲିସ ତଦନ୍ତ ଆରମ୍ଭ କରିଛି ।
