ଖୋର୍ଦ୍ଧା ରକ୍ତଭଣ୍ଡାରରେ ରକ୍ତ ଅଭାବ ସମସ୍ୟା ଦୂର କରିବା ଲାଗି ପ୍ରଶାସନ ଓ ଜିଲା ସ୍ବାସ୍ଥ୍ୟ ସମିତି ମିଳିତ ଆନୁକୂଲ୍ୟରେ ମଙ୍ଗଳବାର ଏକ ରକ୍ତଦାନ ଶିବିର ଅନୁଷ୍ଠିତ ।
ଖୋର୍ଦ୍ଧା (LR NEWS,୧୪ା୪): ଲକଡାଉନ ସମୟରେ ଖୋର୍ଦ୍ଧା ରକ୍ତଭଣ୍ଡାରରେ ରକ୍ତ ଅଭାବ ସମସ୍ୟା ଦୂର କରିବା ଲାଗି ପ୍ରଶାସନ ଓ ଜିଲା ସ୍ବାସ୍ଥ୍ୟ ସମିତି ମିଳିତ ଆନୁକୂଲ୍ୟରେ ମଙ୍ଗଳବାର ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ଜିଲାପାଳ ଶୀତାଂଶୁ ରାଉତ ଏହାକୁ ଉଦ୍ଘାଟନ କରିଥିଲେ। ଅତିରିକ୍ତ ଜିଲାପାଳ ମନୋଜ ପାଢୀ, ଉପଜିଲାପାଳ ଶାନ୍ତନୁ ମହାନ୍ତିି ଓ ଖବରଦାତା ଧନେଶ୍ୱର ବିଧାର ପ୍ରମୁଖ ରକ୍ତଦାନ କରିଥିଲେ।
ସିଡିଏମ୍ଓ ବିଶ୍ୱରଞ୍ଜନ ପତି, ଅତିରିକ୍ତ ଜିଲା ଚିକିତ୍ସାଧିକାରୀ ଡା. ଦ୍ୱାରିକାନାଥ ଶତପଥୀ, ଜିଲା ଜନସ୍ବାସ୍ଥ୍ୟ ଅଧିକାରୀ ଡା. ସୁଜାତା ମିଶ୍ର, ଡିପିଏମ୍ (ଏନ. ଏଚ୍. ଏମ୍) ପ୍ରଦ୍ୟୁମ୍ନ ମିଶ୍ର ଏ. ଆର୍. ଟି.ଓ ବୃନ୍ଦାବନ ସାହୁ, ପ୍ରମୁଖ ଉପସ୍ଥିତ ଥିଲେ। ବଡ ବ୍ୟାଙ୍କ ଅଧିକାରୀ ରକ୍ତସଂଗ୍ରହ କରିଥିଲେ। ବର୍ତ୍ତମାନ ବ୍ଲଡ ବ୍ୟାଙ୍କରେ ୭୦ ୟୁନିଟ୍ ରକ୍ତ ଗଚ୍ଛିତ ରହିଥିବା ସୂଚନା ଦିଆଯାଇଥିଲା।
