ଖୋର୍ଦ୍ଧା:(LR NEWS ୨୩/୦୪/୨୩) ଆଜି ପବିତ୍ର ଅଖି ତୃତୀୟା ଅବସରରେ ବେଗୁନିଆ ବ୍ଲକ ଅନ୍ତର୍ଗତ ଆଦର୍ଶ ବିଦ୍ୟାଳୟ ନିକଟରେ ଅଖୀମୁଠି ଅନୁକୂଳ କରାଯାଇଥିଲା।ବେଗୁନିଆ ସରପଞ୍ଚ ସତ୍ୟନାରାୟଣ ପ୍ରଧାନ ଅଖୀମୁଠି ଅନୁକୂଳ କରିଥିଲେ। ବେଗୁନିଆ ବ୍ଲକ ଆତ୍ମା ତରଫରୁ ଏହି କାର୍ଯ୍ୟକ୍ରମ କରାଯାଇଥିଲା।ଏଥିରେ ବ୍ଲକ ର ସବୁ ପଞ୍ଚାୟତ ର ବହୁ କୃଷମାନଙ୍କର ସମାଗମ ହୋଇଥିଲା।ଏହାପରେ ସକାଳ ୧୦ ଘଟିକା ସମୟରେ ବ୍ଲକ କୃଷି କାର୍ଯ୍ୟାଳୟ ଠାରେ ଏକ ସାଧାରଣ ସଭା ଅନୁଷ୍ଠିତ ହୋଇ କୃଷକ ମାନଙ୍କୁ କୃଷି ପ୍ରଣାଳୀ ଓ ଅଧିକ ଉତ୍ପାଦନ ପାଇଁ କୃଷି ବିଭାଗ ପକ୍ଷରୁ ବିଭିନ୍ନ କୌଶଳ ପ୍ରଶିକ୍ଷଣ ଦିଆଯାଇଥିଲା।
ଏହି କାର୍ଯ୍ୟକ୍ରମ ରେ ଆତ୍ମା ର ଅଧକ୍ଷ ଦୀପ୍ତି ରଞ୍ଜନ ସାହୁ , ବ୍ଲକ କୃଷି ଅଧିକାରୀ ଗଣେଶ୍ୱର ରଥ,ବିଧାୟକ ଙ୍କ ପ୍ରତିନିଧି ପ୍ରଶାନ୍ତ କୁମାର ବେହେରା, ବି ଟି ଏମ ପିଙ୍କି କୁମାରୀ ,ସବୁ ପଞ୍ଚାୟତ ର ସରପଞ୍ଚ ,ସମିତି ସଭ୍ୟ ଓ ବହୁ ମାନ୍ୟଗଣ୍ୟ ବ୍ୟକ୍ତିମାନେ ଉପସ୍ଥିତ ଥିଲେ। ଆତ୍ମା ର ସବୁ ସଭ୍ୟ ସଭ୍ୟା ଓ କୃଷି ବିଭାଗର ସମସ୍ତ କର୍ମଚାରୀ ମାନେ ଉପସ୍ଥିତ ରହି ଏହି କାର୍ଯ୍ୟକ୍ରମକୁ ସଫଳ କରିଥିଲେ। ଆଖି ମୁଠି ବେଳେ ବରଷା ହେବାରୁ ଏବର୍ଷ ଭଲ ଫସଲ ହେବ ବୋଲି ଆତ୍ମା ର ଅଧକ୍ଷ ଶ୍ରୀ ସାହୁ ମତବ୍ୟକ୍ତ କରିଥିଲେ।