ମହାକାଳ ସମୟର କଷଟି ପଥରରେ
ଚିରକାଳ ଘଷ। ଏଇ ଆମ ଜୀବନ
ଅନେକ ସୁଖ ଦୁଃଖ,ହସ କାନ୍ଦ,ଲହୁ ଲୁହ
ଘଟଣା ଓ ଦୂର୍ଘଟଣାରେ ପରିପୂର୍ଣ୍ଣ ।
ତିକ୍ତ ଓ ମଧୁର ଅନେକ ସ୍ମୃତି ପୁଣି ଅନୂଭୁତି
କେତେ ଆଶା,କେତେ ସ୍ବପ୍ନ
କେତେ କେତେ ଅସୁମାରୀ ଅସ୍ପଷ୍ଟ ପାଦଚିହ୍ନ
ସମୟର ବାଲୁକା ଶଯ୍ୟାରେ ।
ଐତିହ୍ୟ ଓ ଇତିହାସର ମହାନଦୀ
ବହୁଛି ଉଜାଣି ……..
ତୀରେ ତୀରେ ତାର
କେତେ କେତେ ଜନପଦ
କେତେ ନଦୀ ନାଳ ପୁଣି
ଘାଟୀ ରାସ୍ତା ପଡାଣି ଉଠାଣି ।
ଏ ଜୀବନ ଏକ ଅସମାପ୍ତ ଚଲାପଥ
କେବେ ପୁଷ୍ପ ମୟ,କେବେ କଣ୍ଟକିତ
ତଥାପି, ଢୋକେ ପିଇ ଦଣ୍ଡେ ଜୀଇଁ
ଚାଲିବାର ଅନ୍ୟ ନାମ ଏଠି ଜୀବନ।
ଅଣୁ ଫର୍ଦ୍ଦ, ଭଂଜନଗର
ମୋ-୯୧୧୪୩୮୫୩୩୫