ବ୍ରହ୍ମପୁର, ( ଟୁକୁନା ପ୍ରଧାନ, ୧୪.୦୯.୨୦୨୦) – : ଗଞ୍ଜାମ ଜିଲ୍ଲା ପୋଲସରା ଥାନା ଅନ୍ତର୍ଗତ ରୁମାଗଡ଼ ଗ୍ରାମରେ ତାସ୍ ଖେଳ କୁ ନେଇ ରବିବାର ଦିନ ଦୁଇ ପରିବାର ମଧ୍ୟରେ ହାତାହାତି ହେବା ସହ ରକ୍ତ ରଞ୍ଜିତ ଅବସ୍ଥାରେ ଗୁରୁତର ହୋଇ ପୋଲସରା ମେଡ଼ିକାଲ ରେ ଭର୍ତ୍ତି ହୋଇ ଚିକିତ୍ସା ହେଉଥିବା ଜଣାପଡିଛି । ଏପରିକି ସାମାନ୍ୟ ତାସ୍ ଖେଳକୁ ନେଇ ଆରମ୍ଭ ହୋଇଥିବା ଝଗଡ଼ା ଖଣ୍ଡାର ଚୋଟରେ ରୁମାଗଡ଼ ଗାଁରେ ରକ୍ତ ରଞ୍ଜିତ ଭଳି ଦୃଶ୍ୟ ଦେଖିବାକୁ ମିଳିଥିଲା । ଘଟଣା ରୁ ପ୍ରକାଶ ଯେ ରୁମାଗଡ଼ ବଡ଼ ସାହିର ନିବାସୀ ପାଳ ଓ ମାଧବ ମଲ୍ଲିକ ଙ୍କ ମଧ୍ୟରେ ତାସ୍ ଖେଳକୁ ନେଇ ପ୍ରଥମେ ଝଗଡା ଆରମ୍ଭ ହୋଇଥିବା ବେଳେ ଖଣ୍ଡା ଓ ଠେଙ୍ଗା ଆକ୍ରମଣ ରେ ଉଭୟ ପରିବାରର ୮ ଜଣ ଆହତ ହୋଇଥିବା ଜଣାପଡିଛି । ଏପରିକି ଖଣ୍ଡା ଆକ୍ରମଣ ରେ ୩ ଜଣଙ୍କ ସ୍ବାସ୍ଥ୍ୟ ଅବସ୍ଥା ଅତି ଗୁରୁତର ହୋଇଥିବାରୁ ସେମାନଙ୍କୁ ପ୍ରଥମେ ପୋଲସରା ଓ ପରେ ଅତି ଗୁରୁତର ହେବାରୁ ୧୦୮ ଆମ୍ବୁଲାନ୍ସ ଯୋଗେ ସେମାନଙ୍କୁ ବ୍ରହ୍ମପୁର ବଡ଼ ମେଡ଼ିକାଲ କୁ ସ୍ଥାନାନ୍ତର କରାଯାଇ ଥିବା ଜଣାପଡିଛି । ଉକ୍ତ ଘଟଣା କୁ ନେଇ ପୋଲସରା ପୋଲିସ ରୁମାଗଡ଼ ଗାଁ ରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ କିଛି ବ୍ୟକ୍ତିକୁ ଅଟକ ରଖି ପଚାରା ଉଚରା କରୁଥିବା ଜଣା ପଡ଼ିଛି ।