ଗଞ୍ଜାମ (LR NEWS ୧୭.୦୩.୨୦୨୦) – : କରୋନା ନେଇ ଗଞ୍ଜାମ ଜିଲ୍ଲାରେ ମାସ୍କର ସମ୍ପୂର୍ଣ୍ଣ ଅଭାବ ଦେଖାଦେଇଛି। ଫଳରେ ଲୋକଙ୍କ ଚିନ୍ତା ଆହୁରି ବଢ଼ିଯାଇଛି । କେତେକ ସ୍ଥାନରେ କଳାବଜାର ହେଉଥିବା ମଧ୍ୟ ଅଭିଯୋଗ ହୋଇଛି । ଅପରପକ୍ଷରେ ବୁଧବାରଠାରୁ ଗଞ୍ଜାମ ଜିଲ୍ଲାର ସମସ୍ତ ୫୦୩ ପଞ୍ଚାୟତ କାର୍ଯ୍ୟାଳୟରେ ମାସ୍କ ମିଳିବ ବୋଲି ଗତକାଲି ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ସୂଚନା ଦେଇଛନ୍ତି। ପ୍ରତି ମାସ୍କର ମୂଲ୍ୟ ୨୫ ଟଙ୍କା ଧାର୍ଯ୍ୟ ହୋଇଛି । ଜିଲ୍ଲାରେ ଥିବା ମହିଳା ସଂଘମାନେ ଏହି କପଡା ମାସ୍କ ତିଆରି କରୁଥିବା କୁହାଯାଇଛି । ରୁମାଲକୁ ମଧ୍ୟ ମାସ୍କ ଭାବେ ବ୍ୟବହାର କରିହେବ, ମାତ୍ର ଏହାକୁ ଧୋଇ ପୁନଃ ବ୍ୟବହାର କରିବାକୁ ଜିଲ୍ଲାପାଳ କହିଛନ୍ତି ।