ଖୋର୍ଦ୍ଧା (LR News, 1/3/20) – : ଆସନ୍ତା ୨୦୨୦ – ୨୧ ଶିକ୍ଷାବର୍ଷ ପାଇଁ ଖୋର୍ଦ୍ଧା ବ୍ଲକ୍ ସିଆଳିଆ ସ୍ଥିତ ଓଡିଶା ଆଦର୍ଶ ବିଦ୍ୟାଳୟରେ ପାଠ ପଢିବା ପାଇଁ ଆଜି ଅନୁଷ୍ଠିତ ପ୍ରବେଶିକା ପରିକ୍ଷାରେ ମୋଟ ୨ ଟି ଶ୍ରେଣୀ ପାଇଁ ୫୦୨ ଜଣ ପରୀକ୍ଷାର୍ଥୀ ପରୀକ୍ଷା ଦେଇଛନ୍ତି l ମୋଟ ୫୦୮ ଜଣ ପିଲା ଆବେଦନ କରିଥିବା ବେଳେ ୬ ଜଣ ଅନୁପସ୍ଥିତ ଅଛନ୍ତି । ୬ଷ୍ଠ ଶ୍ରେଣୀ ପାଇଁ ୪୨୫ ଜଣ ପରୀକ୍ଷା ଦେଇଥିବା ବେଳେ ସପ୍ତମ ଶ୍ରେଣୀ ପାଇଁ ୭୭ଜଣ, ପରୀକ୍ଷାର୍ଥୀ ପ୍ରବେଶିକା ପରୀକ୍ଷା ଦେଇଛନ୍ତି । ବିଦ୍ୟାଳୟର ଭାରପ୍ରାପ୍ତ ଅଧ୍ୟକ୍ଷ ବୈଦ୍ୟନାଥ ସାହୁ ଓ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଭରତ ଚନ୍ଦ୍ର ପ୍ରଧାନଙ୍କ ତତ୍ତ୍ଵାବଧାନରେ ସମସ୍ତ ଶିକ୍ଷକ ଓ ଶିକ୍ଷୟିତ୍ରୀ ପରୀକ୍ଷା ପରିଚାଳନା କରିଥିଲେ । ଆସନ୍ତା ମାର୍ଚ ୧୨ ତାରିଖ ଦିନ ପ୍ରବେଶିକା ପରୀକ୍ଷା ଫଳ ପ୍ରକାଶ ପାଇବ ବୋଲି ଅଧ୍ୟକ୍ଷ ପ୍ରକାଶ କରିଛନ୍ତି ।