LR NEWS ଖୋର୍ଦ୍ଧା ବ୍ଳକ ନନ୍ଦପୁରଠାରେ ବିଶିଷ୍ଟ ଶିକ୍ଷାବିତ୍ ସ୍ବର୍ଗତଃ ପୂର୍ଣ୍ଣଚନ୍ଦ୍ର ମଙ୍ଗରାଜଙ୍କ ସହଧର୍ମିଣୀ ସ୍ବର୍ଗୀୟା କମଳିନୀ ମଙ୍ଗରାଜଙ୍କ ୯ମ ପୂଣ୍ଯତିଥି ଅବସରରେ, ତା ୨୨/୭/୨୪ ରିଖ। ପି.ସି.ମଙ୍ଗରାଜ ଫାଉଣ୍ତେସନ୍ ଆନୁକୂଲ୍ୟରେ ଏକ ବୃକ୍ଷରୋପଣ କାର୍ଯ୍ଯକ୍ରମ “ମା ପାଇଁ ଗଛଟିଏ” ଅନୁଷ୍ଠିତ ହୋଇଯାଇଅଛି। ଫାଉଣ୍ତେସନ୍ ର ସଂପାଦକ ଶ୍ରୀ ଶ୍ରୀରଂଜନ ମଙ୍ଗରାଜଙ୍କ ନେତୃତ୍ବରେ ସ୍ଥାନୀୟ ପୂର୍ଣ୍ଣଚନ୍ଦ୍ର ସ୍ମାରକୀ ବରିଷ୍ଠ ନାଗରିକ ସ୍ବାସ୍ଥ୍ୟ ଉଦ୍ୟାନ ପରିସରରେ ଆମ୍ବ,ପଣସ,ପିଜୁଳୀ ଓ ଲେମ୍ବୁ ଆଦି ଫଳ ଗଛ ଲଗାଯିବା ସହିତ ସଂଗଠନରେ ସଦସ୍ୟମାନଙ୍କୁ ଗୋଟିଏ ଗୋଟିଏ ଗଛ ବଣ୍ଟନ କରାଯାଇଥିଲା।
ଏହି ଅବସରରେ ସମସ୍ତ ସଦସ୍ଯ ନିଜ ନିଜ ବାରିରେ ଗଛ ଲଗାଇବା ସହିତ ଅନ୍ୟମାନଙ୍କୁ ଏହି ମହତ କାର୍ଯ୍ଯକ୍ରମରେ ଯୋଡିବାପାଇଁ ପ୍ରୟାସ କରିବାକୁ ସଂକଳ୍ପ ନେଲେ। ବୃକ୍ଷ ହିଁ ଜୀବନ ଏବଂ ମାନନୀୟ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କ ପରିବେଶ ରକ୍ଷାପ୍ରତି ଥିବା ଆହ୍ବାନ ” ମା ପାଇଁ ଗଛଟିଏ” କାର୍ଯ୍ଯକ୍ରମକୁ ବ୍ଯାପକ କରିବାପାଇଁ ସଦସ୍ୟମାନେ ଶପଥ ନେଲେ। ଏହି କାର୍ଯ୍ଯକ୍ରମରେ ଉଦ୍ୟାନର ତତ୍ବାବଧାରକ ଶ୍ରୀ ପଞ୍ଚାନନ ଦାସ, ଯୁବସମାଜସେବୀ ବିଘ୍ନେଶ୍ବର ପରିଡା, ଦେବରଂଜନ ମଂଗରାଜ,ପବିତ୍ର କୁମାର ଉଦୟସିଂହ, ନିରଂଜନ ବଳବନ୍ତରାୟ, ଅଂଶୁମାନ ଶ୍ରୀଚନ୍ଦନ,ବିଶ୍ବରଂଜନ ଜଗଦେବ,ବିଶ୍ବପ୍ରକାଶ ମଙ୍ଗରାଜ,ସତ୍ୟଜିତ୍ ବେହେରା, ଜଗନ୍ନାଥ ଖୁଣ୍ଟିଆ, ଦୀପକ ପାତ୍ର ଓ ଶ୍ରବଣ ଦଳାଇ ପ୍ରମୁଖ ସ୍ଥାନୀୟ ଯୁବକମାନେ ଯୋଗଦେଇଥିଲେ।