ବ୍ରହ୍ମପୁର , (ଟୁକୁନା ପ୍ରଧାନ , ୦୨.୦୯.୨୦୨୦ ) – :ଗତକାଲି ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ଅନ୍ତର୍ଗତ କୈରାସି ଛକ ନିକଟରେ ଏକ ବୁଲେଟ୍ କୁ ପଛ ପଟୁ ଏକ ଟ୍ରାକ୍ଟର ଧକ୍କା ଦେବା ସହ ବୁଲେଟ ଆରୋହୀ କେନ୍ଦୁବାଡି ଗ୍ରାମର ସୁଧାକର ଜେନା ଗୁରୁତର ଭାବେ ଆହତ ହୋଇ ବ୍ରହ୍ମପୁର ବଡ଼ ମେଡିକାଲ୍ ରେ ଚିକିତ୍ସିତ ହେଉଛନ୍ତି ବୋଲି ଆହତ ଶ୍ରୀ ଜେନା ଙ୍କ ପୁଅ ଏକ ଲିଖିତ ଏତଲା ଆଜି ଖଲ୍ଲିକୋଟ ଥାନାରେ ଦାଏର କରିଛନ୍ତି । ଘଟଣା ରୁ ପ୍ରକାଶ ଯେ ଗତକାଲି ସୁଧାକର ଜେନା ଏକ ବୁଲେଟ ଯାହାର ନମ୍ବର OD07Y0300 ଯୋଗେ ନିଜ ଗାଁ କେନ୍ଦୁବାଡି ଠାରୁ କୌଣସି କାମପାଇଁ ଭେଜିପୁଟ ଅଭିମୁଖେ ଯାଉଥିଲେ । ତାଙ୍କୁ ପରିସ୍ରା ଲାଗିବାରୁ କୈରାସି ନିକଟରେ ବୁଲେଟ କୁ ରଖି ପରିସ୍ରା କରିବାକୁ ଯିବା ବେଳେ ପଛ ପଟୁ ଆସୁଥିବା ଏକ ଟ୍ରାକ୍ଟର ଯାହାର ନମ୍ବର OR07N1033 ବୁଲେଟ କୁ ଧକ୍କା ଦେବା ସହ ସୁଧାକର ଙ୍କୁ ମଧ୍ଯ ଧକ୍କା ଦେଇଥିଲା ଫଳରେ ସେ ରାସ୍ତା କଡକୁ ଛିଟିକି ପଡି ଥିଲେ ଏବଂ ତାଙ୍କର ବାମ ଗୋଡ ଡ଼ାହାଣ ହାତ ରେ ଗଭୀର ଆଘାତ ଲାଗିଛି । ତାଙ୍କ ପୁଅ ଙ୍କ କହିବା ମୁତାବକ ପ୍ରଥମେ ତାଙ୍କୁ ସ୍ଥାନୀୟ ଲୋକଙ୍କ ସହାୟତାରେ ଖଲ୍ଲିକୋଟ ମେଡିକାଲ୍ କୁ ନିଆ ଯାଇଥିଲା, ଡାକ୍ତର ଙ୍କ ପରାମର୍ଶ କ୍ରମେ ସେ ବର୍ତମାନ ଗୁରୁତର ଅବସ୍ଥାରେ ବ୍ରହ୍ମପୁର ବଡ଼ ମେଡିକାଲ୍ ରେ ଚିକିତ୍ସିତ ହେଉଛନ୍ତି ବୋଲି ତାଙ୍କ ପୁଅ ପ୍ରକାଶ କରିଛନ୍ତି ।