ଗଞ୍ଜାମ, ( LR NEWS ଟୁକୁନା ପ୍ରଧାନ, ୦୮.୦୫.୨୦୨୦) – : ଗଞ୍ଜାମ ଜିଲ୍ଲା ପୋଲସରା ବ୍ଲକ୍ ଅନ୍ତର୍ଗତ ଢୁଙ୍କାପଡା ଗୁପ୍ତେଶ୍ଵର ନୋଡାଲ ବିଦ୍ୟାପୀଠରେ ସଂଗରୋଧ ଗୃହ ରେ ଆଜି ଜଣେ ବ୍ୟକ୍ତିଙ୍କ ହଠାତ ମୃତ୍ୟୁ ବରଣ କରିଥିବା ଦେଖିବାକୁ ମିଳିଛି । ଗତ କିଛିଦିନ ତଳେ ସୁରାଟ ରୁ ଫେରି ସଂଗରୋଧ ଗୃହରେ ତାଙ୍କୁ ରଖାଯାଇଥିଲା । ସୁରାଟ ରୁ ଫେରିବା ପରେ ତାର ସ୍ଵାସ୍ଥ୍ୟ ଖରାପ ଥିବାବେଳେ ଆଜି ତାର ସ୍ଵାସ୍ଥ୍ୟ ଯାଞ୍ଚ କରିବା ପାଇଁ ଆମ୍ବୁଲାନ୍ସ ଡକାଯାଇଥିଲା । ମଧ୍ୟାହ୍ନ ଭୋଜନ ହାତରେ ଧରିଥିବା ବେଳେ ହଠାତ ଟଳି ପଡ଼ିଥିଲେ । ମୃତକ ହେଲେ ମଧୂପଲ୍ଲୀ ଗ୍ରାମର ପ୍ରଫୁଲ୍ଲ ବେହେରା (୪୫) ସେ ଅତି ଗରିବ ଶ୍ରେଣୀର ବ୍ୟକ୍ତି । ଖବର ପାଇ ପୋଲସରା ଥାନା ଅଧିକାରୀ ସଦଳବଳେ ପହଞ୍ଚିଥିବା ବେଳେ ଛତ୍ରପୁର ଉପ ଜିଲ୍ଲାପାଳ ,ପୋଲସରା ବିଧାୟକ, ସ୍ଥାନୀୟ ବିଡ଼ିଓ , ତହସିଲଦାର ପହଞ୍ଚି ଶବକୁ ସଙ୍ଗରୋଧ କେନ୍ଦ୍ରରୁ ନେବାକୁ ବ୍ୟବସ୍ଥା କରିଛନ୍ତି । ପରୀକ୍ଷା ଓ ପୋଷ୍ଟମର୍ଟମ ରିପୋର୍ଟ୍ ପରେ ମୃତ୍ୟୁ ର କାରଣ ଜଣାପଡିବ ।