ଗଞ୍ଜାମ, (LR News, ଟୁକୁନା ପ୍ରଧାନ, ୨୦.୦୪.୨୦୨୦) – : କରୋନା ଭାଇରସ ପାଇଁ ଲକ୍ ଡାଉନ ଯୋଗୁଁ ବିଭିନ୍ନ ଦୋକାନ ବଜାର , ହୋଟେଲ ବନ୍ଦ ରହୁଥିବା ଫଳରେ ଜନସାଧାରଣ ଠାରୁ ବେଶୀ ହଇରାଣ ହେଉଛନ୍ତି ପଶୁପକ୍ଷୀ ମାନେ । ଆଜି ଗଞ୍ଜାମ ଜିଲ୍ଲା କୋଦଳା ଅଞ୍ଚଳରେ କିଛି ମାଙ୍କଡ ମାନେ ଗୋଟିଏ ସ୍ଥାନ ରେ ବସିଥିବା ବେଳେ କୋଦଳା ଥାନାରେ କାର୍ଯ୍ୟରତ ଗୃହରକ୍ଷୀ ରଜନୀ କାନ୍ତ ସେଠି ସେମାନଙ୍କୁ ବିସ୍କୁଟ ଖାଇବାକୁ ଦେଇଥିଲେ । ମାଙ୍କଡ଼ ମାନେ ରଜନୀ ଙ୍କ ପାଖକୁ ଆସି ତାଙ୍କ ହାତରୁ ବିସ୍କୁଟ ନେଇ ଆନନ୍ଦ ରେ ଖାଉଥିବା ର ଦୃଶ୍ୟ ଦେଖିବାକୁ ମିଳିଥିଲା । ରଜନୀ କାନ୍ତ ପେଶାରେ ଜଣେ ଗୃହରକ୍ଷୀ ହୋଇଥିବା ବେଳେ ନିଶାରେ ଜଣେ ସମାଜସେବୀ ଅଟନ୍ତି । ବିଭିନ୍ନ ସମୟରେ ଚାଲିଚାଲି ଯାଉଥିବା ଲୋକଙ୍କୁ କେତେ ବେଳେ ଗାଡି କରି ନିଜ ଗାଁ ରେ ଛାଡିଛନ୍ତି ତ କେତେବେଳେ ଉପାସରେ ଥିବା ଲୋକ ପାଇଁ ଖାଇବା ବନ୍ଦବୋସ୍ତ କରିଛନ୍ତି । ଏବଂ ବେଳେ ବେଳେ କାହାର ମେଡିକାଲ ଯିବା ପାଇଁ ଅର୍ଥ ଅଭାବ ଥିଲେ ସେ ସେମାନଙ୍କ ଦୁଖଃ ସହି ନ ପାରି ନିଜର ସାମର୍ଥ୍ୟ ମୁତାବକ ସାହାଯ୍ଯ ସହଯୋଗ କରିଥିବା ର ନଜର କୁ ଆସିଛି । ଏହା ସାଙ୍ଗକୁ ବହୁ ଥର ସ୍ଵେଚ୍ଛାକୃତ ଭାବେ ରକ୍ତଦାନ କରି ମଧ୍ଯ ଅନ୍ୟ ର ଜୀବନ ବଞ୍ଚେଇଛନ୍ତି ।