କେ. ବରିଡା ଠାରେ ଗଛକୁ ପିଟିଲା ବାଇକ, ଚାଳକ ଗୁରୁତର ।

ଗଞ୍ଜାମ, (LR NEWS , ୩୧.୦୩.୨୦୨୦) – : ଗଞ୍ଜାମ ଜିଲ୍ଲା ବେଗୁନିଆପଡା ଫାଣ୍ଡି ଅନ୍ତର୍ଗତ କେ. ବରିଡା ଠାରେ  ଆଜି ସକାଳ ୯ ଘଣ୍ଟ ସମୟରେ ଏକ ବାଇକ ଦୁର୍ଘଟଣା ହେବା ଫଳରେ ଚାଳକ ଗୁରୁତର ଆହତ ହୋଇ କୋଦଳା ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରରେ ଚିକିତ୍ସିତ ହେଉଛନ୍ତି l ପ୍ରାପ୍ତ ବିବରଣୀରୁ ପ୍ରକାଶ ବେଗୁନିଆପଡା ବ୍ଲକ ଅନ୍ତର୍ଗତ ଚନ୍ଦନପୁର ପଞ୍ଚାୟତ ତୋଟାପଡା ଗ୍ରାମର ମହେନ୍ଦ୍ର ଦାସ କୌଣସି କାମରେ ନିଜ ବଜାଜ ସିଟି – ୧୦୦ ବାଇକ ଯୋଗେ ବେଗୁନିଆପଡା ଯାଇ ଗାଁକୁ ଫେରୁଥିବା ବେଳେ କେ. ବରିଡା ପୋଖରୀ ନିକଟସ୍ଥ ବାଙ୍କ ଠାରେ ନିଜର ଭାରସାମ୍ୟ ହରାଇ ଏକ ଗଛକୁ ଧକ୍କା ଦେଇ ଛିଟିକି ପଡ଼ି ଗୁରୁତର ଆହତ ହୋଇଥିଲେ । ତୁରନ୍ତ ସ୍ଥାନୀୟ ଲୋକଙ୍କ ସହାୟତାରେ ୧୦୮ ଆମ୍ବୁଲାନ୍ସ ଯୋଗେ ତାଙ୍କୁ କୋଦଳା ଗୋଷ୍ଠି ସ୍ୱାସ୍ଥ୍ୟକେନ୍ଦ୍ର ଅଣାଯାଇ ଚିକିତ୍ସା ଚାଲିଛି । ତାଙ୍କ ମୁଣ୍ଡ ଓ ଗୋଡ଼ରେ ଆଘାତ ଲାଗିଥିବା ଜଣାପଡିଛି । ଖବର ପାଇ ବେଗୁନିଆପଡା ପୁଲିସ ଘଟଣାସ୍ଥଳରେ ପହଂଚି ବାଇକ ଜବତ କରିବା ସହ ତଦନ୍ତ ଜାରି ରଖିଛି ।