ଗଞ୍ଜାମ, (LR News, ୨୯.୦୩.୨୦୨୦) – : ଗଞ୍ଜାମ ଜିଲ୍ଲା କୋଦଳା ଥାନା ଅନ୍ତର୍ଗତ ମଠସରସିଂ ଗ୍ରାମ ପଞ୍ଚାୟତ ର ମଠବ୍ରହ୍ମପୁର ଗ୍ରାମ ରେ ଏକମାସ ତଳେ ବିବାହ କରିଥିବା ଜଣେ ନବବଧୂ ର ମୃତ ଶରୀର କୁ କୋଦଳା ପୋଲିସ ଜବତ କରି ବ୍ୟବଛେଦ ନିମନ୍ତେ ପଠାଇଥିବା ଜଣାପଡ଼ିଛି । କୋଦଳା ପୋଲିସ ର ସୂଚନା ପ୍ରକାରେ ମଠବ୍ରହ୍ମପୁର ଗ୍ରାମ ର ଧର୍ମେନ୍ଦ୍ର ମହାନ୍ତି ଆଜକୁ ମାତ୍ର ଏକମାସ ତଳେ କଞ୍ଚଣା ଗ୍ରାମର ନିତ୍ୟାନନ୍ଦ ସାହୁଙ୍କ କନ୍ୟା ବନିତା ମହାନ୍ତି ସହିତ ବୈଦିକ ରୀତିରେ ବିବାହ କରିଥିଲେ । ଶନିବାର ବିଳମ୍ବିତ ରାତିରେ ବନିତା ଘରେ କେହି ନ ଥିବାର ସୁଯୋଗ ନେଇ ଘର କବାଟ ଭିତରପଟୁ ଦେଇ ନିଜର ଏକ ଲୁଗା କୁ ଘର ଦୁଲାରେ ଝୁଲାଇ ବେକରେ ଗୁଡ଼ାଇ ଆତ୍ମହତ୍ୟା କରିଥିବା ନେଇ ଥାନା ରେ ଅଭିଯୋଗ ହୋଇଥିଲା । ସଙ୍ଗେ ସଙ୍ଗେ କୋଦଳା ପୋଲିସ ଘଟଣା ସ୍ଥଳ ରେ ପହଞ୍ଚି ଶବ ଜବତ କରିଥିଲେ । ଏହାକୁ ନେଇ ଝିଅ ର ମା ସରସ୍ୱତୀ ସାହୁ ଥାନାରେ ଏକ ଏତଲା ଦେଇଛନ୍ତି ।ପାରିବାରିକ କଳହ କୁ ନେଇ ଏମିତି ହୋଇଥାଇପାରେ ବୋଲି ଏତଲା ରେ ଉଲ୍ଲେଖ କରିଥିବା ଜଣାପଡ଼ିଛି । ଏତଲା କୁ ଗ୍ରହଣ କରି ପୋଲିସ ତଦନ୍ତ ଆରମ୍ଭ କରି ୬/୨୯-୩-୨୦୨୦ ରେ ଏକ ଅପମୃତ୍ୟୁ ମାମଲା ରୁଜୁ କରିଥିବା ବେଳେ ବ୍ୟବଛେଦ କୁ ଅପେକ୍ଷା।